"برج الفتاة"
"برج الفتاة" في اسطنبول من الأماكن الجميلة اللي هتشدك بمجرد ماتشوفه من مضيق البسفور وده مش عشان هو مجرد مكان جميل ، كمان عشان له حكاية اسطورية غريبة.
الحكاية بتقول إن كان فيه سلطان بيحب بنته حب شديد حلم في يوم إن بنته لدغها ثعبان وماتت فصحى من النوم مفزوع وقرر يبني برج عالي على جزيرة وسط المياه يحمي فيها بنته من الثعبان.
بنى السلطان برج ارتفاعه 6 طوابق على جزء من مضيق البسفور وخصص قوارب تنقل الطعام لبنته ، وفضلت مقيمة في البرج لغاية ما بقى عندها 18 سنة.
في يوم عيد ميلادها الـ 18 تسلسل ثعبان لسلة الفواكه اللي بتتبعت للبرج ولدغ الثعبان بنت السلطان وماتت من السم.
من شدة الحزن والأسى على الأميرة تم تسمية البرج “ببرج الفتاة” وبقى مزار تاريخي بياخد زواره من قصته العبرة وبيعرفوا إن لا مفر من قضاء الله.